രാജസ്ഥാനിൽ പൊലീസ് ഉദ്യോഗസ്ഥന്‍റെ കാർ മോഷ്‌ടിച്ച രണ്ട് പേർ പിടിയിൽ

കാർ മോഷ്‌ടിക്കുന്നതിനിടെ പ്രതികൾ മറ്റൊരു പൊലീസ് ഉദ്യോഗസ്ഥനെ വെടിവച്ച പരിക്കേൽപ്പിക്കുകയും ചെയ്‌തിരുന്നതായി അധികൃതർ അറിയിച്ചു.

ജയ്‌പൂർ:രാജസ്ഥാനിൽ പൊലീസ് ഇൻസ്പെക്‌ടറുടെ കാർ മോഷ്‌ടിച്ച രണ്ട് പേർ അറസ്റ്റിൽ. രാജസ്ഥാനിലെ ജയ്‌സാൽമീറിൽ വച്ചാണ് ഹരിയാന, പഞ്ചാബ് സ്വദേശികളായ വിക്രം വിഷ്‌നോയ്, സോംഗത്ത് എന്നിവരെ പൊലീസ് സംഘം പിടികൂടിയത്.

കാർ മോഷ്‌ടിക്കുന്നതിനിടെ ഇൻസ്പെക്‌ടറുടെ കൂടെയുണ്ടായിരുന്ന ഹെഡ് കോൺസ്റ്റബിളിന് നേരെ പ്രതികൾ വെടിയുതിർത്തിരുന്നു. ജൂലൈ 20നായിരുന്നു സംഭവം.

സിക്കറിൽ നിന്ന് ജയ്‌പൂരിലേക്ക് പോകുന്ന വഴിയ്ക്ക് അത്താഴം കഴിക്കാനായി റോഡരികിലെ ഒരു ധാബയിൽ കയറിയ സമയത്തായിരുന്നു പ്രതികൾ കാർ മോഷ്‌ടിച്ചതും ഉദ്യോഗസ്ഥന് നേരെ വെടിയുതിർത്തതെന്നും പൊലീസ് അറിയിച്ചു.