ബോളിവുഡ് താരം ഷാരൂഖ് ഖാന്‍ (Shah Rukh Khan) നായകനായി എത്തിയ 'ജവാനി'ലെ (Jawan) ദീപിക പദുക്കോണിന്‍റെ (Deepika Padukone) അതിഥി വേഷം പ്രേക്ഷക ശ്രദ്ധ നേടിയിരുന്നു. 'ജവാന്' ശേഷം തന്‍റെ പുതിയ പ്രോജക്‌ടിലേയ്‌ക്ക് കടക്കുകയാണ് ദീപിക (Deepika Padukone upcoming movie). രോഹിത് ഷെട്ടി (Rohit Shetty) സംവിധാനം ചെയ്യുന്ന 'സിങ്കം എഗെയിന്‍' (Singham Again) ആണ് ദീപികയുടേതായി അണിയറയില്‍ ഒരുങ്ങുന്ന പുതിയ ചിത്രം.
'സിങ്കം എഗെയിനി'ലെ ദീപികയുടെ ഫസ്റ്റ് ലുക്ക് പോസ്‌റ്റര്‍ പുറത്തുവിട്ടിരിക്കുകയാണ് നിര്‍മാതാക്കള്‍ (Deepika Padukone Singham Again First Look). സിനിമയില്‍ ഒരു പൊലീസ് ഓഫിസറുടെ വേഷത്തിലാണ് ദീപിക എത്തുന്നത് (Deepika Padukone to play as cop). 17 വര്‍ഷം നീണ്ട അഭിനയ ജീവിതത്തില്‍ ഇതാദ്യമായാണ് ദീപിക പദുക്കോണ്‍ പൊലീസ് വേഷത്തില്‍ എത്തുന്നത്. ശക്തി ഷെട്ടി എന്ന കഥാപാത്രത്തെയാണ് ചിത്രത്തില്‍ ദീപിക അവതരിപ്പിക്കുന്നത് (Deepika Padukone as Shakti Shetty).
സിനിമയിലെ ദീപികയുടെ രണ്ട് പോസ്‌റ്ററുകളാണ് നിര്‍മാതാക്കള്‍ പുറത്തുവിട്ടിരിക്കുന്നത് (Deepika Padukone Singham Looks). ഒരു കൂട്ടം പരിക്കേറ്റ്‌ കിടക്കുന്ന ഗുണ്ടകളുടെ പശ്ചാത്തലത്തില്‍ തോക്കിന് മുനയില്‍ ഒരാളെ പിടിച്ച് നില്‍ക്കുന്ന പൊലീസ് വേഷത്തിലുള്ള ദീപികയാണ് ഫസ്റ്റ് ലുക്കില്‍. കയ്യില്‍ ഒരു ബാന്‍ഡേജും കെട്ടി, മുറിവേറ്റ്‌ ചോര ഒലിക്കുന്ന നെറ്റിയില്‍ തോക്കും ചേര്‍ത്തു പിടിച്ചിരുന്ന് ചിരിക്കുന്ന ദീപികയെയാണ് രണ്ടാമത്തെ പോസ്‌റ്ററില്‍ കാണാനാവുക.