വധുവിന്‍റെ 'പൊന്നമ്മാവന്‍'; നവദമ്പതികള്‍ക്ക് 108 ഇനം വിഭവങ്ങള്‍ നിരത്തി വിരുന്നൊരുക്കി അമ്മാവന്‍
അമരാവതി: പുതുതായി വിവാഹം കഴിഞ്ഞെത്തുന്ന നവമിഥുനങ്ങള്‍ക്ക് വിരുന്നൊരുക്കുന്ന പതിവ് ഭൂരിഭാഗം രാജ്യങ്ങളിലും പിന്തുടരുന്ന ഒരു ആചാരമാണ്. ഇത്തരത്തില്‍ നല്‍കപ്പെടുന്ന വിരുന്ന് ദമ്പതികള്‍ എല്ലാക്കാലത്തും ഓര്‍മിക്കപ്പെടുന്ന ഒന്നാണ്. എന്നാല്‍, അടുത്തിടെ വിവാഹം കഴിഞ്ഞ അനന്തരവള്‍ക്കും ഭര്‍ത്താവിനും 108ല്‍ പരം വ്യത്യസ്‌ത വിഭവങ്ങളൊരുക്കി ശ്രദ്ധ നേടിയിരിക്കുകയാണ് ആന്ധ്രപ്രദേശിലെ പൊട്‌ലക്കുരു നിവാസി.