വസ്‌തു തർക്കം; യുവാവ് സഹോദരനെ കൊലപ്പെടുത്തി

പ്രതി ഒളിവിലാണെന്നും അന്വേഷണം പുരോഗമിക്കുകയാണെന്നും പൊലീസ് ഉദ്യോഗസ്ഥർ അറിയിച്ചു.

മുംബൈ:വസ്‌തു തർക്കത്തെ തുടർന്ന് യുവാവ് സഹോദരനെ കൊലപ്പെടുത്തി. മുംബൈയിലെ ശിവാജി നഗറിലാണ് സംഭവം. 30 വയസുകാരനായ അസ്‌ലം ഖുറേഷിയാണ് സഹോദരൻ അക്രമിനാൽ കൊല്ലപ്പെട്ടത്.

ചൊവ്വാഴ്‌ച പുലർച്ചെയായിരുന്നു സംഭവം എന്ന് പൊലീസ് ഉദ്യോഗസ്ഥർ അറിയിച്ചു. അക്രം അസ്‌ലത്തോട് വീട് ഒഴിയണമെന്ന് ആവശ്യപ്പെടുകയും തുടർന്ന് ഇത് തർക്കത്തിലേക്ക് നയിക്കുകയും കൊലപാതകത്തിൽ കലാശിക്കുകയുമായിരുന്നു എന്ന് ഉദ്യോഗസ്ഥർ പറഞ്ഞു.

സംഭവത്തിന് ശേഷം അക്രം ഒളിവിലാണ്. ഇയാളെ കണ്ടെത്തുന്നതിനായി പൊലീസ് തെരച്ചിൽ ആരംഭിച്ചിട്ടുണ്ട്. ഇയാളെ ഉടൻ തന്നെ കസ്റ്റഡിയിലെടുക്കുമെന്നും ഔദ്യോഗിക വൃത്തങ്ങൾ പറഞ്ഞു.