ന്യൂഡൽഹി: സാമ്പത്തിക ബാധ്യതകളെ തുടർന്ന് ഭാര്യയേയും രണ്ട് മക്കളെയും കൊലപ്പെടുത്തി യുവാവ് ആത്മഹത്യയ്‌ക്ക് ശ്രമിച്ചു. വെസ്റ്റ് ഡൽഹിയിലെ വിപിൻ ഗാർഡനിൽ ഞായറാഴ്‌ച പുലർച്ചെയാണ് സംഭവം. 38കാരനായ രാജേഷ് എന്നയാളാണ് ഭാര്യയേയും (35) അഞ്ചുവയസും നാല് മാസവും പ്രായമുള്ള രണ്ട് കുഞ്ഞുങ്ങളെയും കൊലപ്പെടുത്തിയത്.
തുടർന്ന് യുവാവ് ആത്മഹത്യയ്‌ക്ക് ശ്രമിച്ചു. രാജേഷ് ആശുപത്രിയിൽ ചികിത്സയിലാണ്. ഇന്ന് പുലർച്ചെ രാജേഷ് സാമ്പത്തിക ബുദ്ധിമുട്ടുകൾ സംബന്ധിച്ച് സുഹൃത്തുക്കൾക്ക് സന്ദേശം അയച്ചിരുന്നു. സുഹൃത്തുക്കൾ ഉടൻ തന്നെ ഇയാളുടെ സഹോദരനെയും പൊലീസിനെയും വിവരമറിയിച്ചു.