മുംബൈ: നാഗ്‌പൂരിലുണ്ടായ വാഹനാപകടത്തിൽ ഒരാൾ കൊല്ലപ്പെട്ടു. ബൈക്കില്‍ ജീപ്പ് ഇടിച്ചാണ് പവന്‍ നാഗോസ് കൊല്ലപ്പെട്ടതെന്ന് പൊലീസ് പറഞ്ഞു. കൊല്ലപ്പെട്ട പവന്‍ നാഗോസ് നാഗ്‌പൂര്‍ സ്വദേശിയാണ്. രാവിലെ ആറുമണിയോടെ അമരാവതി റോഡിലെ ഡിഫൻസ് ഗേറ്റിലാണ് അപകടമുണ്ടായതെന്ന് പൊലീസ് പറഞ്ഞു. പ്രഭാത നടത്തത്തിന് ശേഷം മോട്ടോർ സൈക്കിളിൽ വീട്ടിലേക്ക് മടങ്ങുകയായിരുന്നു പവൻ നാഗോസ്. തലയ്ക്ക് ഗുരുതരമായി പരിക്കേറ്റ ഇയാളെ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു. ജീപ്പ് ഡ്രൈവറെ പൊലീസ് അറസ്റ്റ് ചെയ്തു.