കൊൽക്കത്ത : ആർഎസ്എസിനെ പ്രകീർത്തിച്ചുകൊണ്ടുള്ള പശ്ചിമ ബംഗാൾ മുഖ്യമന്ത്രി മമത ബാനർജിയുടെ പ്രസ്‌താവന വിവാദത്തിൽ. ആർഎസ്എസിലുള്ള എല്ലാവരും മോശക്കാരല്ലെന്നും ബിജെപിയെ പിന്തുണയ്‌ക്കാത്ത നിരവധിപേർ സംഘടനയില്‍ ഉണ്ടെന്നുമായിരുന്നു മമത ബാനർജിയുടെ പ്രസ്‌താവന. അതേസമയം മമതയ്‌ക്കെതിരെ കടുത്ത വിമർശനവുമായി സിപിഎം, കോണ്‍ഗ്രസ് നേതാക്കൾ രംഗത്തെത്തി.
'ആർഎസ്എസ് നേരത്തെ മോശമായിരുന്നില്ല, ഇപ്പോഴും അവർ മോശക്കാരാണെന്ന് ഞാൻ കരുതുന്നില്ല. ആർഎസ്എസിൽ നല്ലവരും ബിജെപിയെ പിന്തുണയ്ക്കാത്തവരുമായ നിരവധി പേരുണ്ട്. അവരും ഒരുനാൾ മൗനം വെടിയും' എന്നായിരുന്നു മമത ബാനർജിയുടെ പ്രസ്‌താവന.