മുംബൈ: മഹാരാഷട്ര പല്‍ഗറില്‍ കവര്‍ച്ചക്കിടെ കുത്തേറ്റ് ബാങ്ക് മാനേജര്‍ കൊല്ലപ്പെട്ടു. ഒരാള്‍ക്ക് ഗുരുതരമായി പരിക്കേറ്റു. ഐസിഐസിഐ ബാങ്കിന്‍റെ വിരാര്‍ ഈസ്റ്റ് ബ്രാഞ്ചിലാണ് കവര്‍ച്ച ശ്രമം നടന്നത്. വ്യാഴാഴ്‌ച രാത്രി 8- 8.30നുമിടക്കാണ് സംഭവം. ബാങ്കില്‍ ആ സമയം രണ്ട് ജീവനക്കാരാണ് ഉണ്ടായിരുന്നത്.
രണ്ടംഗ സംഘം ബാങ്കില്‍ അതിക്രമിച്ച് കയറിയ പ്രതികള്‍ ബാങ്ക് ജീവനക്കാരെ ഭീഷണിപ്പെടുത്തുകയായിരുന്നു. തുടര്‍ന്ന് രണ്ട് ബാഗ് നിറയെ പണവും സ്വര്‍ണവുമായി രക്ഷപ്പെടാന്‍ ശ്രമിച്ച പ്രതികളെ തടയുന്നതിനിടെ പ്രതികള്‍ മാരകായുധവുമായി ആക്രമിക്കുകയായിരുന്നു. ബാങ്ക് മാനേജര്‍ സംഭവസ്ഥലത്ത് വച്ച് തന്നെ മരണപ്പെട്ടു.