LJP Leader Anwar Ali Khan Shot Dead : എൽജെപി ലീഡർ അൻവർ അലി ഖാൻ വെടിയേറ്റ് കൊല്ലപ്പെട്ടു ; ആക്രമണം നടത്തിയത് അജ്‌ഞാതരായ 3 പേർ

LJP Paras Leader Anwar Ali Khan Murdered : അജ്‌ഞാതരുടെ വെടിയേറ്റ് എൽജെപി പരാസ് വിഭാഗം നേതാവ് അൻവർ അലി ഖാൻ കൊല്ലപ്പെട്ടു

ഗയ : ലോക് ജനശക്തി പാർട്ടി (Lok Janshakti Party Leader) നേതാവ് അൻവർ അലി ഖാൻ അജ്‌ഞാതരുടെ വെടിയേറ്റ് കൊല്ലപ്പെട്ടു (Anwar Ali Khan). ബിഹാറിലെ ഗയ ജില്ലയിൽ അമാസ് പൊലീസ്‌ സ്‌റ്റേഷൻ പരിധിയിലാണ് സംഭവം. എൽജെപി പരാസ് വിഭാഗം (Pashupati Kumar Paras) നേതാവാണ് കൊല്ലപ്പെട്ട അൻവർ അലി ഖാൻ. സംഭവത്തിന് ശേഷം അക്രമികൾ സ്ഥലത്തുനിന്ന് ഓടി രക്ഷപ്പെട്ടു (LJP Leader Anwar Ali Khan Shot Dead).

രാവിലെ പ്രദേശത്തെ സലൂണിൽ ഇരിക്കുകയായിരുന്ന അൻവറിനുനേരെ ബൈക്കിലെത്തിയ അജ്ഞാതരായ മൂന്ന് പേർ വെടിയുതിർക്കുകയായിരുന്നെന്നാണ് വിവരം. ആക്രമണത്തിൽ അന്‍വർ തൽക്ഷണം മരണപ്പെട്ടു. സംഭവത്തെ തുടർന്ന് പ്രകോപിതരായ നാട്ടുകാരും അൻവർ അലി ഖാന്‍റെ കുടുംബവും ദേശീയപാത ഉപരോധിച്ചു. സംഭവത്തിൽ പൊലീസ് അന്വേഷണം പുരോഗമിക്കുകയാണ്.