മധ്യപ്രദേശിൽ ഇടിമിന്നലേറ്റ് മൂന്ന് മരണം

ബുധനാഴ്‌ച ജസ്വന്ത്പുര, ഹർസേനി എന്നിവിടങ്ങളിലായുണ്ടായ അപകടത്തിലാണ് സ്‌ത്രീയുൾപ്പെടെ മൂന്ന് പേർ മരിച്ചത്

പന്ന (മധ്യപ്രദേശ്): ജില്ലയിൽ ഇടിമിന്നലേറ്റ് മൂന്ന് പേർ മരിച്ചു. ബുധനാഴ്‌ചയുണ്ടായ രണ്ട് വ്യത്യസ്‌‌ത സംഭവങ്ങളിലാണ് സ്‌ത്രീയുൾപ്പെടെ മൂന്ന് പേർ മരിച്ചത്. കൂടാതെ നിരവധി പേർക്ക് പരിക്കേറ്റു.

മരിച്ച സ്‌ത്രീ പന്ന ജില്ലയിലെ ജസ്വന്ത്പുര സ്വദേശിയാണ്. ഗ്രാമത്തിലെ മറ്റൊരാൾ പരിക്കുകളോടെ രക്ഷപ്പെട്ടു.

ഇടിമിന്നലേറ്റ് മരിച്ച മറ്റ് രണ്ടുപേർ ഹർസേനി ഗ്രാമവാസികളാണ്. കൂടാതെ രണ്ടുപേർക്ക് പരിക്കേറ്റു. പരിക്കേറ്റവരെ അജയ്‌ഗഡിലെ ആശുപത്രിയിൽ പ്രവേശിപ്പിച്ചു.