ന്യൂഡൽഹി:അന്തരിച്ച ഗായിക ലത മങ്കേഷ്‌കറുടെ സംസ്‌കാരം ഇന്ന് (06.02.22). ഔദ്യോഗിക ബഹുമതികളോടെ മുംബൈയിലെ ശിവാജി പാർക്കിൽ വൈകുന്നേരം 6.30ഓടെയാകും സംസ്‌കാര ചടങ്ങുകൾ നടക്കുക. ഭൗതിക ശരീരം 12.30ഓടെ ആശുപത്രിയിൽ നിന്ന് പ്രഭു കുഞ്ചിലെ വീട്ടിലെത്തിക്കുമെന്നുമാണ് റിപ്പോർട്ടുകൾ.
ഇന്ന് (06.02.22) വൈകിട്ട് 4 30ന് പ്രധാനമന്ത്രി നരേന്ദ്ര മോദി മുംബൈയിൽ എത്തുന്നുണ്ട്. ലത മങ്കേഷ്‌കറുടെ മരണത്തെ തുടർന്ന് രാജ്യം രണ്ട് ദിവസം ദു:ഖാചരണം ആചരിക്കുമെന്ന് കേന്ദ്രസർക്കാർ അറിയിച്ചിട്ടുണ്ട്. ആദര സൂചകമായി ദേശീയ പതാക രണ്ട് ദിവസത്തേക്ക് പകുതി താഴ്ത്തിക്കെട്ടും.