പട്‌ന (ബിഹാര്‍):ഓണ്‍ലൈന്‍ വഴി ഓര്‍ഡര്‍ ചെയ്തത് ലാപ്‌ടോപ്. കിട്ടിയത് ഗെയ്ഡ് പുസ്‌തകവും ഇഷ്‌ടിക കല്ലുകളും. ബിഹാറിലെ പട്‌നയിലാണ് സംഭവം. ഓണ്‍ലൈന്‍ ഷോപ്പിങ് സൈറ്റായ ആമസോണിലാണ് ഈ ദുരനുഭവം.
ആമസോണ്‍ പാഴ്‌സലായി ലഭിച്ച ഗെയ്ഡ് പുസ്‌തകവും ഇഷ്‌ടിക കല്ലും
ഡല്‍ഹിയില്‍ ജോലി ചെയ്യുന്ന പട്‌ന സ്വദേശിയായ സൗരവ് സുമനാണ് ലാപ്‌ടോപ് ഓർഡർ ചെയ്തത്. 34,600 രൂപ മുന്‍കൂറായി നല്‍കി ഡല്‍ഹിയില്‍ നിന്ന് ജൂലൈ 24-നാണ് ലാപ് ടോപിന് ഓര്‍ഡര്‍ നല്‍കിയത്. ജൂലൈ 27-ന് പാട്‌നയില്‍ ലഭിച്ച പാഴ്‌സലില്‍ ഡല്‍ഹി പൊലീസിന്‍റെ ഗെയ്‌ഡ്ബുക്കും ഇഷ്‌ടികയുമായിരുന്നെന്ന് സൗരവ് സുമന്‍റെ മാതാവ് അഭിപ്രായപ്പെട്ടു.