ഇറ്റാനഗർ :തുടച്ചയായി പെയ്‌ത ശക്തമായ മഴയിൽ അരുണാചൽ പ്രദേശിലെ വിവിധയിടങ്ങളിൽ മണ്ണിടിച്ചിൽ. രണ്ട് ദിവസത്തോളം നീണ്ടുനിന്ന മഴയിൽ ബലിപാറ-ചാർദ്വാർ-തവാങ് (ബിസിടി) റോഡുൾപ്പെടെ സംസ്ഥാനത്തെ 20ലധികം പ്രദേശങ്ങളിലാണ് മണ്ണിടിച്ചിലുണ്ടായത്. ഇതുമൂലം ഈ മേഖലകളിലെ ഗതാഗതം തടസപ്പെട്ടതായും അധികൃതർ അറിയിച്ചു.
ALSO READ:ഉത്തരാഖണ്ഡില്‍ നേരിയ ഭൂചലനം ; റിക്ടർ സ്കെയിലിൽ 3.3 രേഖപ്പെടുത്തി
നിലവിൽ ഒരു മേഖലയിലും ആളപായം രേഖപ്പെടുത്തിയിട്ടില്ല. അതേസമയം സെസ്സ, നെച്ചിഫു എന്നീ പ്രദേശങ്ങൾക്കിടയിലുള്ള പാതയിൽ മണ്ണിടിച്ചിലിനെ തുടർന്ന് നിരവധി യാത്രക്കാർ രണ്ടറ്റത്തും കുടുങ്ങിക്കിടക്കുകയാണ്. ഈ മേഖലകളിൽ രക്ഷാപ്രവർത്തനങ്ങൾ നടത്തിവരുന്നതായും അധികൃതർ കൂട്ടിച്ചേർത്തു.