സിംല: ഹിമാചൽപ്രദേശിലെ കിന്നൗരിലുണ്ടായ മണ്ണിടിച്ചിലിന്‌ പിന്നാലെ ലഹൗള്‍-സ്‌പിതി ജില്ലയിലെ നല്‍ഡയില്‍ മണ്ണിടിച്ചില്‍. വെള്ളിയാഴ്‌ച രാവിലെ ഒന്‍പത് മണിക്കാണ് അപകടമുണ്ടായത്. മണ്ണിടിച്ചിലിനെ തുടര്‍ന്ന് പുഴയുടെ ഒഴുക്ക് തടസപ്പെട്ട് ജില്ലയിലെ 11 ഗ്രാമങ്ങള്‍ അപകടത്തിലാണ്.
ഹിമാചലില്‍ വീണ്ടും മണ്ണിടിച്ചില്‍; പുഴയുടെ ഒഴുക്ക് തടസപ്പെട്ടു, പ്രളയ സാധ്യതയെന്ന് ദുരന്തനിവാരണ സേന
ജുണ്ട മുതല്‍ ജോബ്രാങ്‌ വരെയുടെ പ്രദേശത്ത് വെള്ളം കയറിത്തുടങ്ങിയതായാണ് റിപ്പോര്‍ട്ട്. പ്രളയ സാധ്യത കൂടി കണക്കിലെടുത്ത് പ്രദേശത്ത് നിന്നും ആളുകളെ ഒഴിപ്പിച്ചു തുടങ്ങിയതായി ദുരന്ത നിവാരണ സേന അറിയിച്ചു. നിലവില്‍ 10-15 ശതമാനം വെള്ളം പുഴയില്‍ നിന്നും ഒഴുക്കി വിട്ടു. പ്രദേശം നിരീക്ഷിക്കുന്നതിന് ഹെലികോപ്‌റ്ററും സജ്ജമാണെന്ന് ദുരന്തനിവാരണ സേന ഡയറക്‌ടര്‍ സുദേശ്‌ കുമാര്‍ മൊക്‌ത വ്യക്തമാക്കി.