കുളുവിൽ മണ്ണിടിച്ചിൽ; ദേശീയപാത 305 ൽ ഗതാഗതം തടസപ്പെട്ടു

തടസം നീക്കി ഗതാഗതം പുനരാരംഭിക്കാനുള്ള പ്രവർത്തനങ്ങൾ നടക്കുന്നതായി ബഞ്ചാർ ജില്ലയിലെ സബ് ഡിവിഷണൽ മജിസ്ട്രേറ്റ് അറിയിച്ചു.

കുളു: കുളു ജില്ലയിലുണ്ടായ കനത്ത മഴയിൽ ഷോജയിലെ ദേശീയപാത 305ലുണ്ടായ മണ്ണിടിച്ചിലിൽ ഗതാഗതം തടസപ്പെട്ടു. ആളപായമൊന്നും റിപ്പോർട്ട് ചെയ്തിട്ടില്ല. തടസം നീക്കി ഗതാഗതം പുനരാരംഭിക്കാനുള്ള പ്രവർത്തനങ്ങൾ നടക്കുന്നതായി ബഞ്ചാർ ജില്ലയിലെ സബ് ഡിവിഷണൽ മജിസ്ട്രേറ്റ് അറിയിച്ചു.

ഇന്ത്യൻ കാലാവസ്ഥ വകുപ്പ് സെപ്റ്റംബർ 12 വരെ ഹിമാചൽ പ്രദേശിൽ യെല്ലോ അലർട്ട് പ്രഖ്യാപിച്ചിരുന്നു. കൻഗ്ര, ഹമിർപൂർ, സോളൻ, ഷിംല, ബിലാസ്‌പൂർ, ഉന, സിർമൗർ എന്നിവിടങ്ങളിൽ കനത്ത മഴ ലഭിച്ചതായി ഇന്ത്യൻ കാലാവസ്ഥ വകുപ്പ് സ്റ്റേറ്റ് ഡയറക്ടർ അറിയിച്ചു.