വഡോദര: സ്വയം വിവാഹം ചെയ്യാനുള്ള തീരുമാനത്തില്‍ വിവാദത്തിലായ പെൺകുട്ടിയാണ് ഗുജറാത്തിലെ വഡോദരയിൽ നിന്നുള്ള ക്ഷമ ബിന്ദു എന്ന പെൺകുട്ടി. ക്ഷമയുടെ തീരുമാനം വിവാദമായതോടെ സ്വയം വിവാഹം ചെയ്യാൻ ക്ഷേത്രത്തില്‍ അനുവദിക്കില്ലെന്ന് പറഞ്ഞ് വഡോദര ഡെപ്യൂട്ടി മേയർ സുനിത ശുക്ല അടക്കം രംഗത്തുവന്നിരുന്നു. ഇപ്പോഴിതാ വിഷയത്തില്‍ മാധ്യമങ്ങൾക്കെതിരെ വീഡിയോയുമായി രംഗത്തെത്തിയിരിക്കുകയാണ് ക്ഷമ ബിന്ദു.
മാധ്യമങ്ങളെ വീടിനകത്ത് പ്രവേശിപ്പിക്കില്ലെന്ന് ക്ഷമ ബിന്ദു
'മാധ്യമങ്ങൾക്ക് അനുമതിയില്ല': മാധ്യമങ്ങളെ എന്‍റെ വീടിനകത്ത് പ്രവേശിപ്പിക്കില്ലെന്നും തന്നെ കൂടുതൽ അപകടത്തിലാക്കാൻ മാധ്യമങ്ങൾക്ക് കഴിയുമെന്നുമാണ് യുവതി വീഡിയോയിൽ പറഞ്ഞത്. യുവതിയുടെ വീടിന് പുറത്ത് 'മാധ്യമങ്ങൾക്ക് അനുമതിയില്ല' എന്നെഴുതിയ പോസ്റ്റർ പതിച്ചിട്ടുണ്ട്.