കൊട്ടിയൂർ പീഡനം; വൈദികനെ വിവാഹം കഴിക്കണമെന്ന് പെൺകുട്ടി

സ്വന്തം താൽപര്യ പ്രകാരമാണ് ഫാദർ റോബിൻ വടക്കുംഞ്ചേരിയെ വിവാഹം കഴിക്കാനുള്ള തീരുമാനമെടുത്തതെന്നും ഇതിനായി വൈദികന് ജാമ്യം അനുവദിക്കണമെന്നും പെൺകുട്ടി.

ന്യൂഡൽഹി: കൊട്ടിയൂര്‍ പീഡനക്കേസില്‍ പ്രതിയായ വൈദികന്‍ റോബിന്‍ വടക്കുംചേരിയെ വിവാഹം കഴിക്കാന്‍ അനുമതി നൽകണമെന്നാവശ്യപ്പെട്ട്​ ഇരയായ പെണ്‍കുട്ടി സുപ്രീം കോടതിയെ സമീപിച്ചു. സ്വന്തം താൽപര്യ പ്രകാരമാണ് റോബിനെ വിവാഹം കഴിക്കാനുള്ള തീരുമാനമെടുത്തതെന്നും ഇതിനായി വൈദികന് ജാമ്യം അനുവദിക്കണമെന്നും പെൺകുട്ടി സുപ്രീം കോടതിയില്‍ സമര്‍പ്പിച്ച ഹരജിയില്‍ പറയുന്നു.

കേസ് തിങ്കളാഴ്‌ച പരിഗണിക്കും

പീ​​ഡി​​പ്പി​​ച്ച പെ​​ൺ​​കു​​ട്ടി​​യെ​​ വി​​വാ​​ഹം ക​​ഴി​​ക്കാ​​ൻ അ​​നു​​മ​​തി തേ​​ടി കൊ​​ട്ടി​​യൂ​​ർ പീ​​ഡ​​ന​​ക്കേ​​സി​​ൽ ശി​​ക്ഷി​​ക്ക​​പ്പെ​​ട്ട റോ​​ബി​​ൻ വ​​ട​​ക്കു‍ഞ്ചേ​​രി ന​​ൽ​​കി​​യ ഹ​​രജി ഹൈ​​ക്കോ​​ട​​തി നേര​ത്തെ ത​​ള്ളിയിരുന്നു. 20 വ​​ർ​​ഷ​​ത്തെ ക​​ഠി​​ന​​ത​​ട​​വി​​നും ഒ​​രു ല​​ക്ഷം രൂ​​പ പി​​ഴ​​ക്കും ശി​​ക്ഷി​​ക്ക​​പ്പെ​​ട്ട് ജ​​യി​​ലി​​ൽ ക​​ഴി​​യു​​കയാണ് റോ​​ബി​​ൻ വടക്കുംചേരി. കൊട്ടി​​യൂ​​ർ സെന്‍റ് സെ​​ബാ​​സ്റ്റ്യൻ പ​​ള്ളി വി​​കാ​​രി​​യാ​​യി​​രി​​ക്കെ 2016ൽ പെൺകുട്ടിയെ പീ​​ഡി​​പ്പി​​ച്ച് ഗ​​ർ​​ഭി​​ണി​​യാ​​ക്കി​​യെ​​ന്നാ​​ണ് കേ​​സ്. എ​​ന്നാ​​ൽ, പ​​ര​​സ്‌പര സ​​മ്മ​​ത​​ത്തോ​​ടെ​​യാ​​ണണ് ബ​​ന്ധ​​പ്പെ​​ട്ട​​തെ​​ന്നാണ്​ ഹ​​ര​​ജി​​യി​​ൽ പ​​റ​​യു​​ന്ന​​ത്. പെൺകുട്ടിയുടെ ഹരജി ജസ്റ്റിസുമാരായ ദിനേശ് മഹേശ്വരി, വിനീത് ശരണ്‍ എന്നിവര്‍ അടങ്ങിയ ബെഞ്ച് തിങ്കളാഴ്ച പരിഗണിക്കും.

പള്ളി വികാരിയായിരുന്ന റോബിൻ വടക്കുംചേരി പള്ളിമേടയിൽ എത്തിയ പ്രായപൂർത്തിയാകാത്ത പെണ്‍കുട്ടിയെ ബലാത്സംഗം ചെയ്‌ത് ഗർഭിണിയാക്കി എന്നായിരുന്നു കേസ്. എന്നാൽ വിചാരണക്കിടെ പെണ്‍കുട്ടി മൊഴിമാറ്റിയിരുന്നു. ഉഭയകക്ഷി സമ്മത പ്രകാരമാണ് ബന്ധം നടന്നതെന്നും ഈ സമയത്ത് പ്രായപൂർത്തി ആയതാണെന്നും കോടതിയിൽ പെണ്‍കുട്ടി പറഞ്ഞിരുന്നു. തലശേരി പോക്സോ കോടതി ജഡ്‌ജി പി.എൻ വിനോദാണ് വിധി പ്രഖ്യാപിച്ചത്. കള്ളസാക്ഷി പറഞ്ഞതിന് പെൺകുട്ടിയുടെ മാതാപിതാക്കൾക്കെതിരെയും നടപടിയെടുക്കാൻ നിർദേശം നൽകിയിരുന്നു.