ഹൈദരാബാദ്: ഹൈദരാബാദില്‍ കേരള റോഡ് ഷോയുമായി കേരള ടൂറിസം വകുപ്പ്. ലോകമെമ്പാടുമുള്ള വിനോദസഞ്ചാരികളെ ആകർഷിയ്ക്കുന്നതിന്‍റെ ഭാഗമായാണ് പദ്ധതി. രാജ്യത്തെ എല്ലാ സംസ്ഥാനങ്ങളിലും ടൂറിസം വകുപ്പ് റോഡ് ഷോ സംഘടിപ്പിയ്ക്കുന്നുണ്ട്.
ബീച്ചുകൾ, ഹിൽ സ്റ്റേഷനുകൾ, ഹൗസ് ബോട്ടുകൾ തുടങ്ങിയ സൗകര്യങ്ങൾ വിനോദസഞ്ചാരികള്‍ക്കായി വര്‍ഷം മുഴുവനും ഉണ്ടാകുമെന്ന് കേരള ടൂറിസം ഡയറക്‌ടര്‍ കൃഷ്‌ണതേജ പറഞ്ഞു. വിനോദ സഞ്ചാരികള്‍ക്കായി പുതിയ ടൂറിസം സ്പോട്ടുകളും കാരവാനുകളും സംസ്ഥാനത്ത് സജ്ജീകരിച്ചിട്ടുണ്ട്. അടുത്ത വർഷം കൂടുതൽ സഞ്ചാരികളെ ആകർഷിയ്ക്കാന്‍ കേരളത്തിന് കഴിയുമെന്ന് അദ്ദേഹം പറഞ്ഞു.
വിനോദസഞ്ചാരികളെ വരവേല്‍ക്കാന്‍ ഒരുങ്ങി കേരളം