കോയമ്പത്തൂര്‍: വായില്‍ മുറിവേറ്റ് വേദനയുമായി അലയുന്ന എട്ട് വയസ് പ്രായമുള്ള ആനയെ പിടികൂടാന്‍ ശ്രമവുമായി കേരള തമിഴ്‌നാട് വനം വകുപ്പ് ഉദ്യോഗസ്ഥര്‍. ഓഗസ്റ്റ് 15ന് കാട്ടാന കോയമ്പത്തൂരിലെ നദീ തീരത്ത് അലഞ്ഞുതിരിയുന്നതായി വനംവകുപ്പിന് വിവരം ലഭിച്ചിരുന്നു. തുടര്‍ന്ന് നടത്തിയ അന്വേഷണത്തിലാണ് ആനയ്ക്ക് വായയില്‍ മുറിവേറ്റതായി കണ്ടെത്തിയത്. എട്ട് വയസ് പ്രായം കണക്കാക്കുന്ന ആനയെ പിടികൂടി ചികിത്സ നല്‍കാന്‍ തമിഴ്‌നാട്ടിലെയും കേരളത്തിലെയും വനം വകുപ്പ് ഉദ്യോഗസ്ഥര്‍ ശ്രമം നടത്തിവരികയാണ്.
വായില്‍ മുറിവേറ്റ കാട്ടാനയെ പിടികൂടാനുള്ള ശ്രമവുമായി കേരള-തമിഴ്‌നാട് വനം വകുപ്പുകള്‍