കെജ്‌രിവാൾ കാർഷിക നിയമത്തിന്‍റെ പകർപ്പുകൾ വലിച്ചുകീറിയത് പുതിയ നാടകം: വിജയ് ഇന്ദർ സിംഗ്ല

ഡൽഹിയിൽ കെജ്‌രിവാൾ സർക്കാർ കേന്ദ്ര കാർഷിക നിയമങ്ങൾ നടപ്പാക്കാൻ വിജ്ഞാപനം പുറപ്പെടുവിക്കുന്ന തിരക്കിലാണെന്നും അദ്ദേഹം ആരോപിച്ചു

ചണ്ഡിഗഡ്: ഡൽഹി നിയമസഭാ സമ്മേളനത്തിനിടയിൽ കാർഷിക നിയമങ്ങളുടെ പകർപ്പുകൾ മുഖ്യമന്ത്രി അരവിന്ദ് കെജ്‌രിവാളിന്‍റെ വലിച്ചുകീറിയത് ആം ആദ്മി പാർട്ടിയുടെ പുതിയ നാടകമാണെന്ന് പഞ്ചാബ് കാബിനറ്റ് മന്ത്രി വിജയ് ഇന്ദർ സിംഗ്ല. കേന്ദ്രം പാസാക്കിയ മൂന്ന് കാർഷിക നിയമങ്ങളും നടപ്പാക്കുന്നത് തടയാൻ ഈ നാടകങ്ങൾ സഹായിക്കില്ലെന്നും സിംഗ്ല കൂട്ടിച്ചേർത്തു.

തങ്ങളുടെ ജീവിതത്തിനും ഉപജീവനത്തിനുമായി ഡൽഹിയിലേക്ക് പുറപ്പെട്ട കർഷകർക്ക് പ്രത്യക്ഷത്തിൽ മാത്രമാണ് പിന്തുണ നൽകുന്നത്. ഡൽഹിയിൽ കെജ്‌രിവാൾ സർക്കാർ കേന്ദ്ര കാർഷിക നിയമങ്ങൾ നടപ്പാക്കാൻ വിജ്ഞാപനം പുറപ്പെടുവിക്കുന്ന തിരക്കിലാണെന്നും അദ്ദേഹം ആരോപിച്ചു.