കശ്‌മീരില്‍ ഭീകരാക്രമണം ; ബി.ജെ.പി നേതാവായ ഗ്രാമമുഖ്യന്‍ കൊല്ലപ്പെട്ടു

ഭീകര്‍ക്കായി തിരച്ചില്‍ ഊര്‍ജിതമാക്കിയതായി കശ്‌മീര്‍ പൊലീസ്

ശ്രീനഗര്‍ :കശ്‌മീരില്‍ ഭീകരാക്രമണത്തില്‍ ഒരു മരണം. ബാരാമുള്ളയിലെ പട്ടന്‍ പ്രദേശത്താണ് സംഭവം. ബി.ജെ.പിക്കാരനായ ഗ്രാമമുഖ്യന്‍ (Sarpanch) മൻസൂർ അഹമ്മദ് ബംഗ്രൂവാണ് കൊല്ലപ്പെട്ടത്.

വടക്കൻ കശ്‌മീരിലെ ഗൗഷ് ബുഗ് ഗ്രാമത്തില്‍ വെള്ളിയാഴ്ച വൈകുന്നേരമാണ് ഭീകരാക്രമണമുണ്ടായത്. കൃത്യം നിര്‍വഹിച്ച തീവ്രവാദികള്‍ക്കായി തിരച്ചില്‍ ഊര്‍ജിതമാക്കിയെന്ന് പൊലീസ് അറിയിച്ചു.