ഹൈദരാബാദ്:കോൺഗ്രസ് അധ്യക്ഷ തെരഞ്ഞെടുപ്പിൽ മത്സരിക്കുന്ന ശശി തരൂരിന് പൂര്‍ണ പിന്തുണയുമായി കാർത്തി ചിദംബരം എംപി. പരിഷ്‌കരണ ചിന്തയുള്ള ആള്‍ പാര്‍ട്ടിയുടെ തലപ്പത്ത് എത്തേണ്ടത് അനിവാര്യമാണ്. ബിജെപിയുടെ വിഭജന രാഷ്‌ട്രീയത്തിനെതിരെ പോരാടാന്‍ മുൻ നയതന്ത്രജ്ഞന്‍റെ ആധുനികമായ പ്രായോഗികത അനിവാര്യമാണെന്നും അദ്ദേഹം പറഞ്ഞു.
പതിവുരീതികള്‍ കോൺഗ്രസിനെ സഹായിക്കാത്തതിനാല്‍ പാർട്ടിയിൽ പരിഷ്‌കരണ ചിന്തകൾ അടിയന്തരമായി ആവശ്യമാണെന്നും മുതിര്‍ന്ന കോണ്‍ഗ്രസ് നേതാവും മുന്‍ കേന്ദ്ര ധനമന്ത്രിയുമായ ചിദംബരത്തിന്‍റെ മകന്‍ കാര്‍ത്തി ട്വീറ്റ് ചെയ്‌തു. കാർത്തിയുടെ കുറിപ്പ് റീട്വീറ്റ് ചെയ്‌ത് പിന്തുണയ്‌ക്ക് തരൂർ നന്ദിയറിയിച്ചു.