ബെംഗളൂരു:കര്‍ണാടക സ്വദേശിനിയുടെ ഹൃദയം ആന്ധ്രാപ്രദേശ് സ്വദേശിയായ സ്ത്രീയ്ക്ക് വിജയകരമായി മാറ്റിവെച്ച് ബെംഗളൂരുവിലെ രാമയ്യ ആശുപത്രിയിലെ മെഡിക്കല്‍ സംഘം. സർജനായ ഡോ. നാഗമലേഷിന്‍റെ നേതൃത്വത്തിലാണ് ഹൃദയമാറ്റ ശസ്ത്രക്രിയ പൂര്‍ത്തിയാക്കിയത്.
മസ്തിഷ്‌കമരണം സംഭവിച്ച കര്‍ണാടക സ്വദേശിയായ 36 കാരിയുടെ ഹൃദയമാണ് ഇതിനായി നല്‍കിയത്. ആന്ധ്രാപ്രദേശിലെ 38 കാരിയ്ക്ക് അവയം മാറ്റിവെച്ചതോടെ, ഇത്തരത്തില്‍ ചെയ്യുന്ന 35-ാമത്തെ ഹൃദയമാറ്റ ശസ്ത്രക്രിയയാണ് ഇതെന്ന് ഡോ. നാഗമലേഷ് മാധ്യമങ്ങളോട് പറഞ്ഞു.