ബെംഗളൂരു : കര്‍ഷകരുടെ മക്കള്‍ക്ക് സ്കോളര്‍ഷിപ്പ് നല്‍കാന്‍ കര്‍ണാടക സര്‍ക്കാര്‍. മുഖ്യമന്ത്രി ബസവരാജ് ബൊമ്മൈയുടെ നേതൃത്വത്തില്‍ ചേര്‍ന്ന മന്ത്രിസാഭായോഗമാണ് നൂറ് കോടിയുടെ പദ്ധതി പ്രഖ്യാപിച്ചത്. സംസ്ഥാനത്ത് പത്താം തരം ജയിച്ച ശേഷം പഠനം തുടരുന്ന കുട്ടികള്‍ക്കാണ് ഇതിന്‍റെ പ്രയോജനം ലഭിക്കുക.
സര്‍ക്കാര്‍ സ്കോളര്‍ഷിപ്പ് കുട്ടികളുടെ അക്കൗണ്ടില്‍ നേരിട്ട് ലഭ്യമാക്കും. സംസ്ഥാനത്ത് അംഗീകൃത യൂണിവേഴ്‌സിറ്റികളിലും വിദ്യാഭ്യാസ സ്ഥാപനങ്ങളിലും പഠിക്കുന്ന കുട്ടികള്‍ക്കാണ് ആനുകൂല്യം ലഭിക്കുകയെന്നും സര്‍ക്കാര്‍ പുറത്തിറക്കിയ റിപ്പോര്‍ട്ടില്‍ വ്യക്തമാക്കുന്നു.
പിയുസി ഐടിഐ കോഴ്‌സുകള്‍ പഠിക്കുന്ന കുട്ടികള്‍ക്ക് പ്രതിവര്‍ഷം 2500 രൂപയാണ്. ഇതില്‍ തന്നെ പെണ്‍കുട്ടികള്‍ക്ക് 3000 രൂപ നല്‍കും. ബിഎ ബിഎസ്‌സി, ബി കോം, എംബിബിഎസ് ബിഇ, കോഴ്‌സുകള്‍ പഠിക്കുന്ന ആണ്‍കുട്ടികള്‍ക്ക് 5000 രൂപയും പെണ്‍കുട്ടികള്‍ക്ക് 5500 രൂപയും നല്‍കും.