ന്യൂഡല്‍ഹി: കര്‍ണാടക ബിജെപിയില്‍ കലഹം രൂക്ഷമാകുന്നതിനിടെ ബിജെപി ദേശീയ അധ്യക്ഷൻ ജെപി നദ്ദയുമായി കൂടിക്കാഴ്ച നടത്തി കര്‍ണാടക മുഖ്യമന്ത്രി ബി.എസ്.യെദ്യൂരപ്പ. പാര്‍ട്ടിയെ ശക്തിപ്പെടുത്തുന്നതിന് വേണ്ട കാര്യങ്ങള്‍ നടത്താൻ നദ്ദ ആവശ്യപ്പെട്ടതായി യെദ്യൂരപ്പ പറഞ്ഞു. കേന്ദ്ര ആഭ്യന്തര മന്ത്രി അമിത് ഷാ, കേന്ദ്രമന്ത്രി രാജ്‌നാഥ് സിംഗ് എന്നിവരെയും യെദ്യൂരപ്പ കാണും.
സംസ്ഥാനത്ത് പാർട്ടിയുടെ വികസനത്തെക്കുറിച്ചുള്ള ചര്‍ച്ചകളാണ് ഇന്നത്തെ കൂടിക്കാഴ്ചയില്‍ നടന്നത്. കർണാടകയിൽ ബിജെപിയെ കൂടുതല്‍ ശക്തിപ്പെടുത്താൻ വേണ്ട നടപടികള്‍ക്ക് ഊന്നല്‍ നല്‍കണം. പ്രധാനമന്ത്രിയും ഇക്കാര്യം തന്നെയാണ് ആവശ്യപ്പെട്ടതെന്ന് യെദ്യൂരപ്പ കൂട്ടിച്ചേര്‍ത്തു.