ബെംഗളൂരു:കര്‍ണാടക നിയമസഭ തെരഞ്ഞെടുപ്പില്‍ വിജയം കൊയ്‌ത് മലയാളി വേരുകളുള്ള 'കോണ്‍ഗ്രസ് ത്രിമൂര്‍ത്തികള്‍'. കെജെ ജോര്‍ജ്, യുടി ഖാദര്‍, എഎന്‍ ഹാരിസ് എന്നിവരുടേതാണ് നേട്ടം. കെജെ ജോര്‍ജും യുടി ഖാദറും കര്‍ണാടകയിലെ മുന്‍ മന്ത്രിമാരാണ്.
സര്‍വജ്ഞ നഗര്‍ മണ്ഡലത്തില്‍ നിന്നാണ് കെജെ ജോര്‍ജ് വിജയിച്ചുകയറിയത്. 50,000ത്തിലധികം വോട്ടിന്‍റെ ഭൂരിപക്ഷമാണ് ഇദ്ദേഹത്തിനുള്ളത്. മംഗളൂരുവിലാണ് കാസര്‍കോട് വേരുകളുള്ള യുടി ഖാദര്‍ മത്സരിച്ചത്. 20,000ത്തിലേറെ വോട്ടിനാണ് ഖാദര്‍ ജയിച്ചത്. ശാന്തി നഗറിലാണ് എഎന്‍ ഹാരിസ് ജയിച്ചത്. ഏഴായിരത്തോളം വോട്ടുകള്‍ക്കാണ് ഹാരിസ് മുന്നിട്ടുനില്‍ക്കുന്നത്. ആം ആദ്‌മി പാര്‍ട്ടി സ്ഥാനാര്‍ഥിയും മലയാളിയുമായ കെ മത്തായി ഈ സീറ്റില്‍ മൂന്നാമതാണ്.