ജൽപായ്‌ഗുരി : ബംഗാളിലെ ജൽപായ്‌ഗുരി, സിലിഗുരി എന്നിവിടങ്ങളില്‍ കങ്കാരുക്കളെ കണ്ടെത്തിയതില്‍ ദുരൂഹത. ഒരു മാസത്തിനിടെ അഞ്ച് കങ്കാരുക്കളെയാണ് ഇവിടങ്ങളില്‍ കണ്ടെത്തിയത്. ഓസ്‌ട്രേലിയയിൽ മാത്രം കണ്ടുവരുന്ന മൃഗങ്ങൾ ഇന്ത്യയിൽ എങ്ങനെ എത്തപ്പെട്ടെന്ന ചോദ്യം ശക്തമായി.
ഇന്ത്യയുടെ വടക്കുകിഴക്കൻ മേഖലയിൽ കങ്കാരുക്കളെ കൃത്രിമമായി വളർത്തി അവിടെ നിന്നും കടത്തുകയാണെന്ന് ആരോപണമുണ്ട്. അസം-ബംഗാൾ അതിർത്തിയായ ബാരോബിഷയിൽ തിരച്ചിലിനിടെ പ്രായപൂർത്തിയായ ഒരു കങ്കാരുവിനെ കണ്ടെത്തിയിരുന്നു. സംഭവവുമായി ബന്ധപ്പെട്ട് കങ്കാരുവിനെ കടത്താൻ ശ്രമിച്ച രണ്ട് പേരെ അറസ്റ്റ് ചെയ്‌തിട്ടുണ്ട്.
രണ്ടിടങ്ങളിലായി കണ്ടെത്തിയത് അഞ്ച് കങ്കാരുക്കളെ ; ദുരൂഹതയില്‍ അന്വേഷണം