തിരുപ്പതി ക്ഷേത്രത്തിൽ ദർശനം നടത്തി കങ്കണ റണാവത്ത്

ഇളം നീല നിറത്തിലുള്ള സാരി അണിഞ്ഞാണ് താരം ക്ഷേത്രദർശനത്തിനെത്തിയത്

തന്‍റെ വിചിത്രവും വര്‍ഗീയവുമായ പ്രസ്‌താവനകൾ കൊണ്ട് ഇടയ്ക്കിടെ വാർത്തകളിൽ ഇടംപിടിക്കുന്ന ബോളിവുഡ് താരമാണ് കങ്കണ റണാവത്ത്. അതേസമയം കങ്കണ തന്‍റെ സമൂഹ മാധ്യമങ്ങളിലൂടെ പങ്ക് വയ്ക്കുന്ന ചിത്രങ്ങൾ വൈറലാകാറുണ്ട്.

ഇന്നിപ്പോൾ താരം തിരുപ്പതി, ശ്രീകലാഹസ്‌തി ക്ഷേത്രങ്ങളിൽ ദർശനം നടത്തുന്ന വീഡിയോ ആണ് സമൂഹ മാധ്യമങ്ങളിൽ വൈറലാകുന്നത്.

ഇളം നീല നിറത്തിലുള്ള സാരി അണിഞ്ഞ് തലമുടിയിൽ ബൺ ഉപയോഗിച്ച് കെട്ടി പൂക്കൾ ചൂടിയാണ് താരം ക്ഷേത്രദർശനത്തിനെത്തിയത്.