ചെന്നൈ: മഹാഭാരതത്തെ കുറിച്ച് നടത്തിയ പരാമര്‍ശത്തില്‍ നടനും എംഎൻഎം പാർട്ടി സ്ഥാപകനുമായ കമൽഹാസന് കോടതി സമൻസ് അയച്ചു. 2017ൽ തമിഴ്‌ ചാനലിന് നൽകിയ അഭിമുഖത്തിൽ നടത്തിയ പരാമർശത്തിലാണ് വല്ലിയൂർ കോടതി കമൽഹാസന് സമൻസ് അയച്ചത്.
സ്‌ത്രീകൾക്കെതിരായ അക്രമങ്ങളെക്കുറിച്ചു പരാമർശിക്കവെയാണ് കമൽഹാസൻ വിവാദ പ്രസ്‌താവന നടത്തിയത്. സ്‌ത്രീകളെ ചൂതാട്ടത്തിനും പന്തയത്തിനും ഉപയോഗിക്കുന്നതിനെ മഹത്വവത്കരിക്കുന്ന മഹാഭാരതം പോലുള്ള ഇതിഹാസങ്ങളെ ഇഷ്ടപ്പെടുന്ന ജനങ്ങളുടെ നാടാണ് ഇന്ത്യ എന്നായിരുന്നു കമൽഹാസന്‍റെ പ്രസ്‌താവന.