ജാതി അധിക്ഷേപം നടത്തിയിട്ടില്ലെന്ന് ആവർത്തിച്ച് സുധാകരൻ

അച്ഛന്‍റെ തൊഴിലിനെപ്പറ്റി പറയുന്നതിൽ എന്താണ് അപമാനമെന്നും സുധാകരൻ

ന്യൂഡൽഹി:മുഖ്യമന്ത്രിക്കെതിരായ വിവാദ പരാമർശത്തിൽ നിലപാട് ആവര്‍ത്തിച്ച് കെ സുധാകരൻ. ജാതി അധിക്ഷേപം നടത്തിയിട്ടില്ലെന്ന് സുധാകരൻ ആവര്‍ത്തിച്ചു. മാധ്യമങ്ങൾ കാര്യങ്ങൾ വളച്ചൊടിച്ചു. തൊഴിലിനെക്കുറിച്ച് പറയുന്നത് ജാതി അധിക്ഷേപം അല്ല. അച്ഛന്‍റെ തൊഴിലിനെപ്പറ്റി പറയുന്നതിൽ എന്താണ് അപമാനമെന്നും സുധാകരൻ ചോദിച്ചു.

പിണറായി വിജയൻ ചെത്തുകാരന്‍റെ മകൻ എന്ന് പറയുന്നതിൽ അഭിമാനിക്കണമെന്നും സുധാകരൻ പറഞ്ഞു. അധ്വാനിച്ച് ജീവിക്കുന്നവനെ ബഹുമാനിക്കുന്ന ആളാണ് താനെന്നും സുധാകരൻ മാധ്യമങ്ങളോട് പറഞ്ഞു.