ന്യൂഡല്‍ഹി: PM Modi's Security Lapse: പ്രധാനമന്ത്രി മോദിയുടെ സന്ദർശനത്തിലെ സുരക്ഷ വീഴ്‌ചയില്‍ പഞ്ചാബ് സര്‍ക്കാരിനെതിരെ രൂക്ഷ വിമര്‍ശനവുമായി ബിജെപി ദേശീയ പ്രസിഡന്‍റ്‌ ജെപി നദ്ദ. പ്രധാനമന്ത്രിയുടെ സന്ദര്‍ശനത്തില്‍ സുരക്ഷ മാനേജ്‌മെന്‍റിന്‍റെ ഉത്തരവാദിത്തം സംസ്ഥാനം ഭരിക്കുന്ന കോൺഗ്രസിനാണ്‌. കോണ്‍ഗ്രസിന്‍റെ കെടുകാര്യസ്ഥത കാരണം പ്രധാനമന്ത്രി മോദിയുടെ വാഹനവ്യൂഹം 15-20 മിനിറ്റിലധികം ഫ്ലൈ ഓവറിൽ കുടുങ്ങിയത് രാഷ്‌ട്രത്തലവന് വലിയ ഭീഷണിയായി മാറിയെന്നും ജെപി നദ്ദ ആരോപിച്ചു.
വിഷയം അഭിസംബോധന ചെയ്യാനോ പരിഹരിക്കാനോ മുഖ്യമന്ത്രി ചരൺജിത് സിങ്‌ ചന്നി തയാറായില്ലെന്നും, ഫോണിൽ ബന്ധപ്പെടാൻ വിസമ്മതിച്ചതായും നദ്ദ ആരോപിച്ചു.