ഹൈദരാബാദ്: കൊവിഡ് വാക്സിൻ നിർമാണത്തിനായി കൈകോർത്ത് യുഎസ് ഫാർമസ്യൂട്ടിക്കൽ ഭീമനായ ജോൺസൺ ആൻഡ് ജോൺസണും തെലങ്കാന ആസ്ഥാനമായുള്ള ഫാർമ കമ്പനി ബയോളജിക്കൽ ഇ ലിമിറ്റഡും. കമ്പനിയുടെ വാക്സിനായ ജാൻസെൻ കൊവിഡ് 19 വാക്സിന് നിലവിൽ യുഎസ്, യൂറോപ്യൻ യൂണിയൻ, തായ്‌ലന്‍റ്, ദക്ഷിണാഫ്രിക്ക എന്നിവിടങ്ങളിൽ ഉപയോഗിക്കാനുള്ള അനുമതി ഉണ്ട്.
ഒറ്റഡോസ് കൊവിഡ് വാക്സിനായ ജാൻസെന്‍റെ ക്ലിനിക്കൽ പരീക്ഷണങ്ങൾ ഇന്ത്യയിൽ ആരംഭിക്കാൻ സർക്കാരുമായി ചർച്ച നടത്തുകയാണെന്ന് ഏപ്രിൽ 5ന് ജോൺസൺ ആൻഡ് ജോൺസൺ അറിയിച്ചിരുന്നു.