റാഞ്ചി :ജാര്‍ഖണ്ഡിന്‍റെ തലസ്ഥാനമായ റാഞ്ചിയില്‍ നിന്ന് 70 കിലോമീറ്റർ അകലെയുള്ള സില്ലിയിലുണ്ടായ മണ്ണിടിച്ചിലില്‍ അഞ്ചുപേര്‍ മരിച്ചു. മുരി ഒപി പ്രദേശത്തെ പിസ്ക ഗ്രാമത്തില്‍ കിണറിടിഞ്ഞ് ഏഴുപേർ മണ്ണിനടിയിലായ അപകടത്തിലാണ് അഞ്ചുപേര്‍ മരിച്ചത്. അപകടത്തില്‍ രണ്ടുപേരെ സുരക്ഷിതമായി പുറത്തെത്തിച്ചിരുന്നു.
സംഭവം ഇങ്ങനെ:കിണര്‍ ഇടിഞ്ഞുതാഴ്‌ന്നതോടെ സമീപത്തുണ്ടായിരുന്ന മൃഗം അതിനിടയില്‍ കുടുങ്ങി. ഈ സമയം മൃഗത്തെ പുറത്തെത്തിച്ച് രക്ഷിക്കാന്‍ നാലുപേര്‍ കിണറ്റിനടുത്തേക്ക് നീങ്ങി. ഇവര്‍ക്കൊപ്പം മൃഗത്തെ രക്ഷിക്കാന്‍ നാലുപേര്‍ കൂടി എത്തി. എന്നാല്‍ ഈ ശ്രമത്തിനിടെ ചുറ്റുപാടുമുള്ള മണ്ണ് കൂടി ഇടിഞ്ഞ് താഴുകയായിരുന്നു. ഇതോടെ ഏഴുപേര്‍ മണ്ണിനടിയിലായി.