ഇറാൻ വിദേശകാര്യ മന്ത്രിയുമായി ചർച്ച നടത്തി എസ്‌. ജയ്‌ശങ്കർ

എസ്. ജയ്‌ശങ്കറും ജവാദ് ഷെരീഫും ഉഭയകക്ഷി വിഷയങ്ങളിലും ചർച്ചകൾ നടത്തിയതായാണ് ലഭിക്കുന്ന വിവരം.

ന്യൂഡൽഹി:ഇറാൻ വിദേശകാര്യ മന്ത്രി ജവാദ് ഷെരീഫുമായി ചർച്ചകൾ നടത്തി ഇന്ത്യൻ വിദേശകാര്യ മന്ത്രി എസ്. ജയ്‌ശങ്കർ. അഫ്‌ഗാനിലെ നിലവിലെ സാഹചര്യങ്ങളിലും ഉഭയകക്ഷി ബന്ധങ്ങളിലുമാണ് ചർച്ച നടന്നത്.

അഫ്‌ഗാനിസ്ഥാനിലെ ഏറ്റവും പുതിയ സംഭവവികാസങ്ങൾ ഇരു വിദേശകാര്യ മന്ത്രിമാരും ചർച്ച ചെയ്‌തതായി ഇറാൻ മാധ്യമങ്ങൾ റിപ്പോർട്ട് ചെയ്‌തു. മെയ് 1ന് അമേരിക്ക സൈന്യത്തെ രാജ്യത്ത് നിന്ന് പിൻവലിക്കാൻ തുടങ്ങിയതിന് ശേഷം അഫ്‌ഗാനിസ്ഥാനിൽ നിരവധി ഭീകരാക്രമണങ്ങളാണ് നടക്കുന്നത്.

കൂടാതെ, താലിബാന്‍റെ വിപുലീകരണ ശ്രമങ്ങൾക്കും രാജ്യം സാക്ഷ്യം വഹിക്കുന്നുണ്ട്. ജയ്‌ശങ്കറും ഷെരീഫും ഉഭയകക്ഷി വിഷയങ്ങളിലും ചർച്ചകൾ നടത്തിയതായാണ് ലഭിക്കുന്ന വിവരം. ഇറാനിലെ ചബഹാർ തുറമുഖ വികസനം ഇരു രാജ്യങ്ങളും തമ്മിലുള്ള ബന്ധത്തിന്‍റെ പ്രധാന ഘടകമാണ്. വാണിജ്യ ബന്ധം വളർത്തുന്നതിനായി ഇന്ത്യയും ഇറാനും അഫ്‌ഗാനിസ്ഥാനും ചേർന്ന് നിർമിക്കുന്ന തുറമുഖമാണ് ചബഹാർ.