ശ്രീനഗര്‍ : ജമ്മു കശ്‌മീരിലെ കുൽഗാം ജില്ലയിൽ സുരക്ഷാ സേനയുമായുള്ള ഏറ്റുമുട്ടലിൽ ജയ്ഷെ മുഹമ്മദ് ഭീകരന്‍ കൊല്ലപ്പെട്ടു. പാക് സ്വദേശിയായ ബാബർ ഭായിയാണ് ഇയാളെന്ന് പൊലീസ് തിരിച്ചറിഞ്ഞിട്ടുണ്ട്.
2018 മുതല്‍ ഭീകര സംഘടനയില്‍ ഇയാള്‍ സജീവമാണെന്നും പൊലീസ് അറിയിച്ചു. തെക്കൻ കശ്‌മീരിലെ പരിവാൻ മേഖലയിൽ ഭീകരരുടെ സാന്നിധ്യമുണ്ടെന്ന വിവരത്തെ തുടർന്ന് സുരക്ഷാസേന തിരച്ചിൽ നടത്തിയതിന് പിന്നാലെയാണ് ബുധനാഴ്ച ഏറ്റുമുട്ടലുണ്ടായത്.