ന്യൂഡൽഹി: മുൻ പ്രധാനമന്ത്രി ഇന്ദിരാഗാന്ധിയുടെ 37ാമത് ചരമവാർഷികത്തിൽ ആദരാഞ്ജലി അർപ്പിച്ച് പേരമകനും കോണ്‍ഗ്രസ് നേതാവുമായ രാഹുൽ ഗാന്ധി. ഇന്ദിര ഗാന്ധിയുടെ സമാധിസ്ഥലമായ ശക്തി സ്ഥലില്‍ ഞായറാഴ്‌ച രാവിലെയെത്തിയാണ് രാഹുല്‍ പുഷ്‌പാര്‍ച്ചന നടത്തിയത്.
എന്‍റെ മുത്തശ്ശി അവസാന നിമിഷം വരെയും നിർഭയമായി രാജ്യത്തെ സേവിച്ചു. അവരുടെ ജീവിതം ഞങ്ങൾക്കെന്നും പ്രചോദനമാണ്. സ്ത്രീ ശക്തിയുടെ മഹത്തായ ഉദാഹരണമാണ് ഇന്ദിരാഗാന്ധിയെന്നും രാഹുൽ ഹിന്ദിയിൽ ട്വീറ്റ് ചെയ്തു. ശക്തിയെയും ത്യാഗത്തെയും പ്രതിനിധാനം ചെയ്‌ത ഇന്ത്യയുടെ ഉരുക്കു വനിതയാണ് ഇന്ദിര. യഥാർഥ ഭാരതരത്‌നമായ ഇന്ദിരാഗാന്ധിയ്‌ക്ക് ചരമവാർഷികത്തിൽ ഒരു ബില്യൺ സല്യൂട്ടെന്നും കോണ്‍ഗ്രസ് പാര്‍ട്ടി ഔദ്യോഗിക ട്വീറ്റില്‍ കുറിച്ചു.