ജമ്മുവിന്‍റെ വിവിധയിടങ്ങളില്‍ വീണ്ടും ഇന്‍റര്‍നെറ്റ് നിയന്ത്രണം ; സുരക്ഷാകാരണങ്ങളാലെന്ന് വിശദീകരണം

ശ്രീനഗറിന്‍റെ വിവിധ ഭാഗങ്ങളില്‍ കഴിഞ്ഞ ദിവസം അക്രമങ്ങള്‍ നടന്നിരുന്നു

ശ്രീനഗര്‍ :ജമ്മുകശ്മീരിന്‍റെ വിവിധ ഭാഗങ്ങളില്‍ ഇന്‍റര്‍നെറ്റ് സേവനങ്ങള്‍ക്ക് നിയന്ത്രണമേര്‍പ്പെടുത്തി. തിങ്കളാഴ്ചയാണ് ഇതുസംബന്ധിച്ച ഉത്തരവ് ഉദ്യോഗസ്ഥര്‍ പുറത്തുവിട്ടത്. സൗത്ത് കശ്മീരിലെ ചില കേന്ദ്രങ്ങളിലും തലസ്ഥാനമായ ശ്രീനഗറിലും, കശ്മീര്‍ വാലിയിലെ ചില പ്രദേശങ്ങളിലും ഇന്‍റര്‍നെറ്റ് സേവനങ്ങള്‍ താല്‍ക്കാലികമായി റദ്ദാക്കിയതായി പൊലീസ് അറിയിച്ചു.

സുരക്ഷാമുന്‍കരുതലുകളുടെ ഭാഗമായാണ് നടപടി. ജില്ലയുടെ വിവിധ പ്രദേശങ്ങളില്‍ കഴിഞ്ഞ ദിവസം അക്രമങ്ങള്‍ നടന്നിരുന്നു. കശ്മീരിന് പുറത്തുനിന്നും എത്തിയവരായിരുന്നു അക്രമത്തിന് നേതൃത്വം നല്‍കിയത്. ഈ സാഹചര്യത്തിലാണ് നടപടി.

അടുത്തിടെ ഉണ്ടായ ഒമ്പത് ഏറ്റുമുട്ടലുകളില്‍ 11 തീവ്രവാദികളെയാണ് സൈന്യം വധിച്ചത്. മലയാളി ഉള്‍പ്പടെയുള്ള സൈനികര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തിരുന്നു.