ജെയ്പൂർ:മയക്കുമരുന്ന് നിയന്ത്രണ ബ്യൂറോയുടെ നേതൃത്വത്തിൽ ക്വാട്ട പൊലീസ് അറസ്റ്റ് ചെയ്ത ഡാനിഷ് മെർച്ചന്‍റ് എന്ന ചിക്നയെ ഇന്‍റലിജൻസ് ബ്യൂറോ ചോദ്യം ചെയ്തു. ഇന്‍റലിജൻസ് ബ്യൂറോ, ജോധ്പൂർ മയക്കുമരുന്ന് നിയന്ത്രണ ബ്യൂറോ എന്നിവരടങ്ങുന്ന സംഘം അനന്ത്പുർ പൊലീസ് സ്റ്റേഷനിൽ എത്തിയാണ് ചോദ്യം ചെയ്തത്. മുംബൈയിൽ ഫയൽ ചെയ്ത മയക്കുമരുന്ന് കേസിൽ വാറണ്ട് ഹാജരാക്കിയ ശേഷം ചിക്നയെ അറസ്റ്റ് ചെയ്യാൻ മുംബൈ മയക്കുമരുന്ന് നിയന്ത്രണ ബ്യൂറോയുടെ സംഘവും കോട്ടയിലെത്തും.
ദാവൂദിന്‍റെ സഹായി ചിക്നയെ രഹസ്യാന്വേഷണ ഏജൻസി ചോദ്യം ചെയ്തു
വ്യാഴാഴ്ച രാത്രിയാണ് ഡാനിഷ് ചിക്നയെ കോട്ട പൊലീസ് അറസ്റ്റ് ചെയ്യുന്നത്
ദാവൂദിന്‍റെ സഹായി ചിക്നയെ രഹസ്യാന്വേഷണ ഏജൻസികൾ ചോദ്യം ചെയ്തു
മഹാരാഷ്ട്രയിലെ ഡോംഗ്രിയിൽ ഗുണ്ടാസംഘം ദാവൂദ് ഇബ്രാഹിമിന്‍റെ മയക്കുമരുന്ന് വ്യാപാരം കൈകാര്യം ചെയ്ത കേസിൽ വ്യാഴാഴ്ച രാത്രിയാണ് രാജസ്ഥാനിലെ കോട്ടയിൽ നിന്ന് ഡാനിഷ് ചിക്നയെ അറസ്റ്റ് ചെയ്യുന്നത്. പ്രതിയുടെ പക്കൽ നിന്ന് ഗണ്യമായ അളവിൽ മയക്കുമരുന്നും പിടിച്ചെടുത്തിട്ടുണ്ടായിരുന്നു.
മുംബൈയിലെ വിവിധ സ്ഥലങ്ങളിൽ നടന്ന ആറ് കൊലപാതകക്കേസുകളിൽ പ്രധാന കുറ്റവാളിയാണ് ചിക്നയെന്നാണ് റിപ്പോർട്ടുകൾ. ചിക്നയുടെ മയക്കുമരുന്നു കേസുമായി ബന്ധമുള്ള വിതരണക്കാരെയും ഉപഭോക്താക്കളേയും കണ്ടെത്താനുള്ള അന്വേഷണം നടന്നുവരുന്നു.