ലുധിയാന: ഇന്ത്യ- പാക് വിഭജനകാലത്ത് റാവൽപിണ്ടിയിൽ നിന്നും പൂനെയിലേക്ക് കുടിയേറിയതാണ് റീന വർമ. ഇപ്പോൾ താൻ ജനിച്ചുവളർന്ന തന്‍റെ തറവാട്ടു വീട് സന്ദർശിക്കാൻ റീനക്ക് അവസരം ലഭിച്ചു. അതും 75 വർഷങ്ങൾക്ക് ശേഷം തന്‍റെ 90-ാം വയസിൽ. പരമ്പരാഗത ഡ്രംസും പുഷ്‌പ വൃഷ്‌ടിയും ഉൾപ്പെടെ ആഘോഷമായാണ് നാട്ടുകാർ റീനയെ ജന്മനാട്ടിലേക്ക് സ്വീകരിച്ചത്.
75 വർഷങ്ങൾക്ക് ശേഷം പാകിസ്ഥാനിലെ തറവാട്ടുവീട് സന്ദർശിച്ച് 90 കാരി; രാജകീയ വരവേൽപ്പുമായി നാട്ടുകാർ
വൈകാരികമായ ഈ സന്ദർശനത്തിന്‍റെ വീഡിയോയാണ് ഇപ്പോൾ സോഷ്യൽ മീഡിയയിൽ വൈറൽ. തന്‍റെ തറവാട്ടു വീട്ടിലേക്ക് സന്ദർശനം നടത്തണമെന്ന വർഷങ്ങളായുള്ള ആഗ്രഹം സാധിച്ച സന്തോഷത്തിലാണ് റീന വർമ്മ. പാക് മന്ത്രി ഹിന റബ്ബാനിയുടെ നേരിട്ടുള്ള ഇടപെടലാണ് ഈ സന്ദർശനത്തിന് വഴിയൊരുക്കിയത്.