ടൊറണ്ടോ:യുഎസ്-കാനഡ അതിര്‍ത്തിയായ മനിടോബയില്‍ മരിച്ച നിലയില്‍ കണ്ടെത്തിയ നാലംഗ ഇന്ത്യന്‍ കുടുംബത്തെ കനേഡിയന്‍ അധികൃതര്‍ തിരിച്ചറിഞ്ഞു. ഒരു കുട്ടിയടങ്ങുന്ന നാലംഗ കുടുബത്തിന്‍റെ മൃത ശരീരങ്ങള്‍ അതി ശൈത്യത്തില്‍ മരവിച്ച നിലയിലാണ് കാണപ്പെട്ടത്.
ജഗദീഷ് ബല്‍ദേവ്ബായി പട്ടേല്‍ (39), വൈശാലിബെന്‍ ജഗദീഷ്‌കുമാര്‍ പട്ടേല്‍ (37), വൈശാങ്കി ജഗദീഷ്‌കുമാര്‍ പട്ടേല്‍ (11), ധാര്‍മിക് ജഗദീഷ്‌കുമാര്‍ പട്ടേല്‍ (3) എന്നിവരുടെ മൃതശരീരങ്ങളാണ് തിരിച്ചറിഞ്ഞത്. ഈ മാസം 19നാണ് ഇവരുടെ മൃതശരീരങ്ങള്‍ കണ്ടെത്തിയത്. ഇവരുടെ അടുത്ത കുടുംബഗങ്ങളെ വിവരം അറിയിച്ചതായി കാനഡയിലെ ഇന്ത്യന്‍ ഹൈക്കമ്മീഷണര്‍ പറഞ്ഞു.
ഇവരുടെ മരണവുമായി ബന്ധപ്പെട്ട അന്വേഷണത്തില്‍ ഇന്ത്യന്‍ ഹൈക്കമ്മീഷനും കനേഡിയന്‍ അധികൃതരും പരസ്പരം സഹകരിച്ച് പ്രവര്‍ത്തിക്കുകയാണെന്ന് ഹൈക്കമ്മീഷണര്‍ അറിയിച്ചു.