ഷോപ്പിയാൻ (ജമ്മു കശ്മീർ): ജമ്മു കശ്മീരിലെ ഷോപിയാനില് സുരക്ഷ സേനയും ഭീകരരും തമ്മിലുണ്ടായ ഏറ്റുമുട്ടലില് ഒരു ഭീകരന് കൊല്ലപ്പെട്ടു. ജെയ്ഷെ ഇ മുഹമ്മദ് ഭീകരനെയാണ് സുരക്ഷാ സൈന്യം വധിച്ചത്. ജെയ്ഷെ ഇ മുഹമ്മദ് ഭീകരന് കമ്രാന് ഭായ് ഹനീസ് ആണ് കൊല്ലപ്പെട്ടത്. ഇയാള് ഇന്ത്യക്കാരനല്ലെന്നാണ് വിവരം.
കശ്മീരില് ഏറ്റുമുട്ടല്; ഒരു ജെയ്ഷെ ഇ മുഹമ്മദ് ഭീകരനെ സൈന്യം വധിച്ചു
ജമ്മു കശ്മീരിലെ ഷോപിയാനില് സുരക്ഷ സേനയും ഭീകരരും തമ്മിലുണ്ടായ ഏറ്റുമുട്ടലിലാണ് ഒരു ജെയ്ഷെ ഇ മുഹമ്മദ് ഭീകരനെ സൈന്യം വധിച്ചത്.
![കശ്മീരില് ഏറ്റുമുട്ടല്; ഒരു ജെയ്ഷെ ഇ മുഹമ്മദ് ഭീകരനെ സൈന്യം വധിച്ചു Shopian JeM terrorist killed in encounter in Shopian Jaish e Mohammad terrorist killed Jammu Kashmir കാശ്മീരില് ഏറ്റുമുട്ടല് ഷോപ്പിയാൻ ജെയ്ഷെ ഇ മുഹമ്മദ് കമ്രാന് ഭായ് ഒരു ഭീകരനെ സൈന്യം വധിച്ചു ജമ്മു കശ്മീർ](https://etvbharatimages.akamaized.net/etvbharat/prod-images/768-512-16896274-thumbnail-3x2-vv.jpg)
കശ്മീരില് ഏറ്റുമുട്ടല്; ഒരു ജെയ്ഷെ ഇ മുഹമ്മദ് ഭീകരനെ സൈന്യം വധിച്ചു
ഇന്ന് പുലർച്ചെയാണ് ഷോപ്പിയാനിലെ കപ്രെൻ മേഖലയിൽ സുരക്ഷാ സേനയും ഭീകരരും തമ്മിൽ ഏറ്റുമുട്ടൽ നടന്നത്. ഇന്ത്യൻ സൈന്യവും ജമ്മു കശ്മീർ പൊലീസും സംയുക്തമായാണ് ഭീകരരുമായി ഏറ്റുമുട്ടിയത്. കൊല്ലപ്പെട്ട ഹനീസ് കുല്ഗാം-ഷോപ്പിയാന് മേഖലയില് സജീവമായി പ്രവര്ത്തിച്ചിരുന്നതായി കശ്മീര് എഡിജിപി പറഞ്ഞു. കൂടുതല് ഭീകരർക്കായി മേഖലയില് പരിശോധന ശക്തമാക്കിയതായി സുരക്ഷാ വിഭാഗങ്ങള് അറിയിച്ചു.