മൊഹാലി : അഫ്‌ഗാനിസ്ഥാനെതിരായ ട്വന്‍റി20 ക്രിക്കറ്റ് പരമ്പരയിലെ ആദ്യ മത്സരത്തിൽ ഇന്ത്യക്ക് ആറ് വിക്കറ്റ് വിജയം. ആദ്യം ബാറ്റ് ചെയ്‌ത അഫ്‌ഗാനിസ്ഥാൻ 20 ഓവറിൽ അഞ്ച് വിക്കറ്റ് നഷ്‌ടത്തിൽ 158 റൺസെടുത്തു. ഇന്ത്യ 17.3 ഓവറിൽ നാല് വിക്കറ്റ് നഷ്‌ടത്തിൽ ലക്ഷ്യം കണ്ടു(First T20 Match Against Afghanistan India Won by Six Wicket).
ടോസ് നേടിയ ഇന്ത്യൻ ക്യാപ്റ്റൻ രോഹിത് ശർമ ഫീൽഡിങ് തെരഞ്ഞെടുക്കുകയായിരുന്നു. തുടർച്ചയായി 11 മത്സരങ്ങളുടെ ഇടവേളയ്ക്കു ശേഷമാണ് ഇന്ത്യക്ക് ട്വന്‍റി20 മത്സരത്തിൽ ടോസ് ലഭിക്കുന്നത്. നാല് ഓവറില്‍ 23 റൺസ് മാത്രം വഴങ്ങി രണ്ട് വിക്കറ്റ് നേടിയ ഇടങ്കയ്യൻ സ്പിന്നർ അക്ഷർ പട്ടേലാണ് അഫ്‌ഗാനെ വലിയ സ്കോർ നേടുന്നതിൽ നിന്നു തടഞ്ഞത്.