രണ്ടാം ദിവസവും നാല് ലക്ഷം കടന്ന് രാജ്യത്തെ കൊവിഡ് രോഗികൾ

24 മണിക്കൂറിനിടെ 4,14,188 പേർക്ക് കൂടി കൊവിഡ് സ്ഥിരീകരിച്ചു; മരണം 3,915

ന്യൂഡൽഹി:രാജ്യത്ത് കഴിഞ്ഞ 24 മണിക്കൂറിനിടെ 4,14,188 പേർക്ക് കൂടി കൊവിഡ് സ്ഥിരീകരിച്ചു. ഇതോെട രാജ്യത്തെ ആകെ കൊവിഡ് ബാധിതരുടെ എണ്ണം 2,14,91,598 ആയി. 3,915 കൂടി കൊവിഡ് മൂലമാണെന്ന് കണ്ടെത്തിയതോടെ ആകെ മരണസംഖ്യ 2, 34,083 ആയി ഉയർന്നു. 3,31,507 പേർ കൂടി രോഗം ഭേദമായി ആശുപത്രി വിട്ടു. ഇതുവരെ 1,76,12,351പേർക്കാണ് രോഗം ഭേദമായത്. രാജ്യത്ത് നിലവിൽ 36,45,164 ആക്‌ടീവ് കേസുകളാണുള്ളത്. കേന്ദ്ര ആരോഗ്യമന്ത്രാലയത്തിന്‍റെ കണക്കനുസരിച്ച് രാജ്യത്ത് ഇതുവരെ 16,49,73,058 വാക്‌സിനുകൾ വിതരണം ചെയ്‌തു.

കഴിഞ്ഞ ദിവസങ്ങളിലെ കൊവിഡ് കണക്കുകളെ അപേക്ഷിച്ച് പ്രതിദിന കൊവിഡ് കേസുകളും മരണവും വർധിക്കുന്ന സാഹചര്യമാണ് നിലനിൽക്കുന്നത്. ഇന്നലെയാണ് പ്രതിദിന കൊവിഡ് കേസുകൾ നാല് ലക്ഷം പിന്നിട്ടത്. 4,12,262 പുതിയ കൊവിഡ് കേസുകളും 3,980 മരണവുമാണ് ഇന്നലെ മാത്രം രാജ്യത്ത് റിപ്പോർട്ട് ചെയ്‌തത്. അതേസമയം ബുധനാഴ്‌ച 3,82,315 പേർക്കാണ്‌ പുതുതായി കൊവിഡ്‌ സ്ഥിരീകരിച്ചത്‌.