ന്യൂഡല്‍ഹി: രാജ്യത്ത് കഴിഞ്ഞ 24 മണിക്കൂറിനിടെ 30,615 പുതിയ കൊവിഡ് കേസുകള്‍ സ്ഥിരീകരിച്ചു. കഴിഞ്ഞ ദിവസം റിപ്പോര്‍ട്ട് ചെയ്‌തതിലും 11 ശതമാനം കേസുകള്‍ ഇന്ന് വര്‍ധിച്ചുവെന്നാണ് റിപ്പോര്‍ട്ട്. കഴിഞ്ഞ ദിവസം 27,409 കേസുകളായിരുന്നു റിപ്പോര്‍ട്ട് ചെയ്‌തത്. 2.45 ശതമാനമാണ് പ്രതിദിന കൊവിഡ് പോസിറ്റിവിറ്റി നിരക്ക്.
കഴിഞ്ഞ 24 മണിക്കൂറിനിടെ 514 പേരാണ് കൊവിഡ് ബാധിച്ച് മരിച്ചത്. 82,988 പേര്‍ക്ക് രോഗ മുക്തി. ഇതോടെ രാജ്യത്ത് കൊവിഡ് മുക്തമായവരുടെ എണ്ണം 4,18,43,446 ആയി. രാജ്യത്ത് നിലവില്‍ ചികിത്സയിലുള്ളത് 3,70,240 പേരാണ്. 173.86 കോടി കൊവിഡ് വാക്‌സിനാണ് ഇതുവരെ രാജ്യത്ത് നല്‍കിയത്.