ന്യൂഡൽഹി:ഇന്ത്യയിൽ 2,40,842 പേർക്ക് പുതിയതായി കൊവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 3,55,102 പേർ രോഗമുക്തി നേടി. 3,741 പേർ കൊവിഡ് ബാധിച്ച് മരിച്ചതായി കേന്ദ്ര ആരോഗ്യ മന്ത്രാലയം റിപ്പോർട്ട് ചെയ്തു. ഇതോടെ രാജ്യത്തെ മൊത്തം കൊവിഡ് രോഗികൾ 2,65,30,132 ആയി വർധിച്ചു. രോഗമുക്തി നേടിയവരുടെ എണ്ണം 2,34,25,467 ആയി. 2,34,25,467 പേർ രോഗം ബാധിച്ച് മരിച്ചെന്നാണ് റിപ്പോർട്ട്.
കർണാടകയിലാണ് ഏറ്റവും കൂടുതൽ കൊവിഡ് രോഗികൾ. നിലവിൽ ഇവിടെ 4,83,204 പേർ രോഗബാധിതരാണ്. 3,52,247 കേസുകളുമായി രണ്ടാം സ്ഥാനത്ത് മഹാരാഷ്ട്രയാണ്. അതേസമയം പോസിറ്റിവിറ്റി നിരക്ക് 12.45 ശതമാനമായി കുറഞ്ഞതായി ആരോഗ്യ കുടുംബ ക്ഷേമ മന്ത്രാലയം റിപ്പോർട്ട് ചെയ്തു. രോഗമുക്തി നിരക്ക് 87.76 ശതമാനമാണ്. ഐസിഎംആറിന്‍റെ കണക്കനുസരിച്ച് ഇതുവരെ 32,86,07,937 സാമ്പിളുകൾ പരിശോധിച്ചു.