ന്യൂഡൽഹി: രാജ്യത്ത് 27,254 പേർക്ക് കൂടി കൊവിഡ് (Covid) സ്ഥിരീകരിച്ചു. ഇതോടെ രാജ്യത്തെ കൊവിഡ് ബാധിതരുടെ ആകെ എണ്ണം 3,32,64,175 ആയി. 24 മണിക്കൂറിനുള്ളിൽ രാജ്യത്ത് 219 കൊവിഡ് മരണമാണ് റിപ്പോർട്ട് ചെയ്‌തത്. ഇതിൽ 67 മരണങ്ങൾ കേരളത്തിലും 46 മരണങ്ങൾ മഹാരാഷ്ട്രയിലുമാണ്. ഇതോടെ രാജ്യത്ത് കൊവിഡ് ബാധിച്ച് മരിച്ചവരുടെ ആകെ എണ്ണം 4,42,874 ആയി.
3,74,269 സജീവ കൊവിഡ് രോഗികളാണ് നിലവിലുള്ളത്. തുടർച്ചയായ 78-ാം ദിവസവും രാജ്യത്ത് റിപ്പോർട്ട് ചെയ്യുന്ന കൊവിഡ് കേസുകളുടെ എണ്ണം 50,000ൽ താഴെയാണ്.