രാജ്യത്ത് 42,625 പേര്‍ക്ക് കൂടി COVID 19 ; മരണം 562

24 മണിക്കൂറിനിടെ 562 പേർ രോഗം ബാധിച്ച് മരിച്ചതോടെ ആകെ മരണസംഖ്യ 4,25,757 ആയതായി കേന്ദ്ര ആരോഗ്യ മന്ത്രാലയം

ന്യൂഡൽഹി : രാജ്യത്ത് 42,625 പേർക്ക് കൂടി കൊവിഡ് രോഗബാധ. ഇതോടെ മൊത്തം കൊവിഡ് കേസുകൾ 3,17,69,132 ആയി. 24 മണിക്കൂറിനിടെ 562 പേർക്ക് കൂടി ജീവഹാനിയുണ്ടായതോടെ ആകെ മരണസംഖ്യ 4,25,757 ആയതായി കേന്ദ്ര ആരോഗ്യ മന്ത്രാലയം അറിയിച്ചു.

സജീവകേസുകളുടെ എണ്ണം 4,10,353 ആണ്. ഇന്ത്യയിൽ ഇതുവരെ വാക്‌സിന്‍ സ്വീകരിച്ചവരുടെ എണ്ണം 48,52,86,570 ആണ്. ഇതിൽ 62,53,741 ഡോസ്‌ വാക്‌സിൻ 24 മണിക്കൂറിനിടെ നൽകിയതാണ്.

ഐസിഎംആർ കണക്കുകൾ പ്രകാരം ഇതുവരെ 47,31,42,307 സാമ്പിളുകളാണ് പരിശോധിച്ചത്. ഇതിൽ 18,47,518 സാമ്പിളുകൾ ചൊവ്വാഴ്‌ച മാത്രം പരിശോധിച്ചതാണ്.