ന്യൂഡല്‍ഹി: രാജ്യത്ത് കൊവിഡ് മരണ നിരക്ക് വീണ്ടും 1000ന് മുകളില്‍. 1206 പേര്‍ കൂടി കൊവിഡ് ബാധിച്ച് മരിച്ചതോടെ ആകെ കൊവിഡ് മരണം 4,07,145 ആയി. കഴിഞ്ഞ 24 മണിക്കൂറിനിടെ 42,766 പേര്‍ക്ക് കൂടി രോഗം സ്ഥിരീകരിച്ചു. ഇതോടെ രാജ്യത്ത് ആകെ കൊവിഡ് ബാധിച്ചത് 3,07,95,716 പേര്‍ക്കാണ്.
നിലവില്‍ 4,55,033 പേരാണ് രോഗം ബാധിച്ച് ചികിത്സയിലുള്ളത്. കേന്ദ്ര ആരോഗ്യമന്ത്രാലയത്തിന്‍റെ കണക്ക് പ്രകാരം 45,254 പേര്‍ ഇന്നലെ(ജൂലൈ 9) രോഗമുക്തരായി. 2,99,33,538 പേര്‍ ഇതുവരെ രോഗമുക്തി നേടിയിട്ടുണ്ട്. ഇന്ത്യയിൽ 37.21 കോടി ജനങ്ങള്‍ ഇതുവരെ വാക്സിന്‍ സ്വീകരിച്ചു.