ന്യൂഡൽഹി: രാജ്യത്ത് 24 മണിക്കൂറിൽ കൊവിഡ് രോഗികളിൽ വീണ്ടും വർധനവ്. 1,72,433 പേർക്ക് പുതുതായി കൊവിഡ് സ്ഥിരീകരിച്ചു. 1008 കൊവിഡ് മരണവും റിപ്പോർട്ട് ചെയ്‌തു. ഇതോടെ ആകെ കൊവിഡ് മരണം 4,98,983 ആയി.
നിലവിൽ 15,33,921 സജീവ കൊവിഡ് രോഗികളാണ് ചികിത്സയിലുള്ളത്.2,59,107 പേർ കൊവിഡ് രോഗമുക്തി നേടിയെന്ന് കേന്ദ്ര ആരോഗ്യ മന്ത്രാലയം. 10.99 ശതമാനമാണ് നിലവിലെ ടെസ്റ്റ് പോസിറ്റിവിറ്റി നിരക്ക്. ബുധനാഴ്‌ച കൊവിഡ് പോസിറ്റിവിറ്റി നിരക്ക് 9.2 ശതമാനമായിരുന്നു. അതേ സമയം ബുധനാഴ്‌ച 1,61,386 പേര്‍ക്കാണ് കൊവിഡ് സ്ഥിരീകരിച്ചത്. വൈറസ് ബാധയെ തുടര്‍ന്ന് ചികിത്സയിലായിരുന്ന 1,733 പേർ മരിച്ചു.