കൊവിഡ് കുറയുന്നു; രാജ്യത്ത് 24 മണിക്കൂറിൽ 2.38 ലക്ഷം രോഗികൾ

രാജ്യത്തെ ഒമിക്രോൺ കേസുകളുടെ എണ്ണം 8,891 ആയി ഉയർന്നു. കഴിഞ്ഞ ദിവസത്തേക്കാൾ 8.31% വർധനവാണ് ഒമിക്രോൺ കേസുകളിൽ 24 മണിക്കൂറിനിടെ ഉണ്ടായിരിക്കുന്നത്.

ന്യൂഡൽഹി: രാജ്യത്ത് കൊവിഡ് രോഗികളിൽ കുറവ്. 24 മണിക്കൂറിൽ 2.38 ലക്ഷം പേർക്ക് കൊവിഡ് സ്ഥിരീകരിച്ചു. 17,36,628 പേരാണ് നിലവിൽ കൊവിഡ് ബാധിച്ച് ചികിത്സയിൽ കഴിയുന്നത്.

24 മണിക്കൂറിനിടെ 1,57,421 പേർക്ക് കൂടി രോഗം ഭേദമായതോടെ കൊവിഡ് ഭേദമായവരുടെ ആകെ എണ്ണം 3,53,94,882 ആയി. അതിനിടെ രാജ്യത്തെ ഒമിക്രോൺ കേസുകളുടെ എണ്ണം 8,891 ആയി ഉയർന്നു. കഴിഞ്ഞ ദിവസത്തേക്കാൾ 8.31% വർധനവാണ് ഒമിക്രോൺ കേസുകളിൽ 24 മണിക്കൂറിനിടെ ഉണ്ടായിരിക്കുന്നത്. രാജ്യത്ത് കൊവിഡ് വാക്‌സിനേഷൻ 158.04 പിന്നിട്ടുവെന്നും മന്ത്രാലയം അറിയിച്ചു.